還記得8年前「玻璃杯潮文」嗎？今日終於後繼有人，但用15分鐘去欣賞嘅唔係當事人，而係AV迷囉！話說AV女優八木奈奈早前打爛咗一隻心愛嘅黃色餐碟後有感而發，先為隻爛碟影相再出文「悼念」，但放心，阿妹篇文唔算潮，內容係講當日佢心浮氣躁大意跣手而跌爛，好彩冇被玻璃碎片割傷，即刻掃乾淨就算，仲叫大家唔使擔心同安慰佢喎！
有人話爛碟就唔好Po啦！喂！其實Follow開奈奈Twitter嘅都知佢好感性，從來都係影死物多過人，日落影舊雲、歎咖啡影隻杯，仲有紅葉、櫻花、柚子樹等，跟住寫一段充滿感情嘅文字，好有文青Feel囉！但唔好忘記，奈奈係一位女優嚟o架，所以福利點都會有嘅，可惜你同我都冇得要求囉！不過如果你鍾意小動物，可以轉移視線睇阿妹養嘅刺蝟，真係好可愛o架！
網址：https://twitter.com/yaginana0903