見到手遊或動漫中嘅巨乳女角色，好想試吓自己畫，但畫嚟畫去都畫得唔夠真、唔夠傳神，咁點算好呢？呢本由Post Media編輯部（ポストメディア編輯部）推出嘅《漫畫美胸姿勢繪畫技法》就絕對可以幫你提升繪畫車頭燈嘅技巧。書中不但教你繪畫車頭燈嘅正面同側面，仲有低抄高抄嘅繪畫方法。此外，仲會講解38種唔同波形嘅繪畫技巧，包括貧乳、微乳、巨乳、豪乳、爆乳、垂乳、托乳、跳躍時晃動嘅巨乳、彎腰時下垂嘅車頭燈等等，名副其實可以畫盡現實中各種胸器。為咗令讀者掌握箇中竅門，書中更係一步一步咁畫畀大家睇之餘，仲講吓當中嘅小技巧，難怪書中自稱佢可能係世界唯一一本女性胸部嘅繪畫練習手冊。