日本人氣輕小說《為美好的世界獻上祝福！》自2013年10月出版以嚟，不但先後被動畫化，喺上年8月更喺日本上映首套動畫電影《電影為美好的世界獻上祝福！紅傳說》，而當中嘅人氣女角色「水之女神」阿克婭梗係唔會錯過呢個機會，乘勢推出最新模型。新登場嘅模型以性感水着造型示人，須知道動漫中嘅阿克婭雖然上圍有料到，但係晒心口嘅場面卻唔多，所以今次實行畀粉絲可以大飽眼福。模型巧妙地讓阿克婭擺出個彎腰甫士，加上性感嘅比堅尼，令一對激凸上峰有呼之欲出嘅感覺，配合埋嗰條火辣熱褲，泳褲邊露晒出嚟更係提升視覺效果。亦不得不讚模型嘅造工相當精緻，尤其係嗰個水泡更係勁有質感呀！