農曆新年對唔少有家室嘅人嚟講都有相當大嘅壓力，原因好多時在於親朋戚友，而呢點相信已婚男女最有同感。不過呢位女網友嘅壓力原因就有啲特別，佢話：「每年農曆新年，老爺奶奶都會從加拿大返港過節，並會喺我哋屋企住個幾月。雖然我同佢哋嘅關係唔錯，但係住埋一齊唔多唔少都會有啲壓力，例如我唔敢着胸圍底褲通屋走，每兩三日就要大清潔等，搞到我真心冇晒性趣。不過最麻煩係老公呢段時間最得閒，一得閒佢就好想啪啪啪，試過我哋一齊沖涼，點知一行出浴室，奶奶就笑吟吟咁問我幾時有孫抱。又試過我同老公去爆房，返到屋企奶奶又問我哋去咗邊，真係唔知點講好。其實我都係發吓牢騷，因為我都好掛住老爺奶奶，但又真係相見好，同住難囉。」