有啲人嘅傳統習俗會喺年三十晚換上紅色底褲，然後着住過大年初一，希望新一年鴻運當頭。不過呢位女網友就為紅底褲而煩惱，佢話：「老公同佢屋企人一直都有着紅底褲過新年嘅傳統習慣，而我哋前年結婚後亦遵從呢個傳統，當時老公買咗條紅色T-back畀我，仲叫我一定要着住去佢父母屋企拜年。其實我一直都唔係咁鍾意着T-back，原因係我幾敏感，而且着得好唔舒服。我有同老公佢講，但佢話已經買咗條新紅色T-back畀我，仲話係喱士零舍性感。見佢盛意拳拳，我唔好意思推搪，但又怕到時唔舒服，最麻煩係我已經買咗條白色褲，紅底白褲仲唔透晒出嚟咩！我好唔好買過第二條褲呢？」