呢個年代做生意要講企業良心，做脫星亦要講人類良知，否則你都幾難企得穩！就以脫星界為例，囡囡搵銀都要關心社會，見得最多嘅係講環保、講人權、講動物權益，而講到大愛脫星就非Olive Glass莫屬喇！佢出道以來一直堅持「取之社會，用諸社會」言行合一，大家都見證佢成長，因此從未有人敢懷疑過佢嘅動機，早前佢又發起網上募捐活動，目的為保護野生動植物慈善機構籌集資金，善心人士捐錢後，將收據傳畀Olive Glass就可以參加抽獎，獎品包括佢親自設計嘅潮Tee、冷帽、銀包等。Olive Glass話籌錢只係短暫解決表面問題，因此佢着眼並非籌到幾多錢，真正目的係希望全球人類提高保護大自然及動物意識，有朝一日我哋唔再需要「慈善機構」先係真正幫助到動植物呀！