近日成人新聞網報道新進美國女Rapper Doja Cat將會喺1月25日出席AVN頒獎禮擔任壓軸表演嘉賓，當然四仔迷都未必有興趣去了解，但唔想知還唔想知，有啲嘢你真係要留意，AVN頒獎禮有歌手助興已經唔係第一次，好似舊年就邀請到喺饒舌界起晒朵嘅Cardi B做表演嘉賓，咁樣上去唱兩嘴連帶淨係識睇AV嘅人都識得佢，雖然唔知係咪有關聯，但阿妹嗰首《Money》喺YouTube點擊超過1億7千萬，難怪人人都爭住做頒獎禮嘅表演嘉賓啦！雖然Doja Cat嘅人氣冇前輩咁堅，但據傳媒報道就上年8月佢發布一首叫《Mooo!》單曲，短短幾日喺YouTube及Twitter獲得了超過1,000萬次觀看，並獲得一致好評，至今更累積6,000多萬點擊，睇怕頒獎禮後又再爆升！細佬反而擔心表演嘉賓愈炒愈高調，咁過往一直最令外界關注嘅司儀位咪變得好失色？今屆兩位主持Nikki Benz及Emily Bloom真係唔知好嬲定傷心囉！