奇迹外星夢 太空也激動

相信唔少人都想上太空,而最近有部印度電影叫做《奇蹟火星夢》,就係講述一班熱血分子排除萬難去完成火星任務。AV業界資深人士神仙乙就話日本AV作品亦可以滿足大家探索外星嘅願望,以外太空為背景,當中班女優會同外星人作親密接觸,然而班外星怪人卻唔係人咁品,每每搞到女優花容失色!

太空船受襲

花宮麗喺《超級警備隊安娜 外星人大凌辱》中扮演宇宙警察,佢除咗擁有正義心腸,仲身手敏捷,更加可以用變身器變成女超人。某日,當佢外出做任務嘅時候,突然收到太空船基地被襲擊嘅消息,回到去只見到隊長一個人,但係對方行為古怪,更突然趨前擁吻,阿妹發現原來隊長係由外星怪人假扮,對方更吹雞叫多個怪人嚟幫拖,結果阿妹因為跌咗個變身器而被制服。班怪人得手之後歡喜若狂,因為佢哋正想繁殖後代,於是群起向阿妹圍攻。事後花宮麗終於搵番個變身器,成功打低班怪人!

以身犯險

櫻木優希音喺《超級女英雄窒息地獄》中飾演宇宙搜查官,而同袍兼好友愛美比起佢嘅戰鬥力就差好遠,因為咁愛美喺一次任務中被宇宙怪人捉咗。為咗拯救好友,優希音惟有以身犯險,但係班怪人相當難對付,佢哋使用軟兵器如繃帶或樹藤,搞到阿妹抖唔到氣,真係幾好打都冇用,結果被怪人擒獲。對方見到阿妹秀色可餐,梗係唔會走雞啦,實行進行大混戰!

貞操失守

喺《Red Lady太陽泥棒!巨根外星人!》中,戰鬥格美人通野未帆變身成巨型女超人,佢嘅能量來源係嚟自太陽,點知有次外星怪人來襲嘅時候,搞到地球烏雲密布,於是未帆走到一間實驗室尋找辦法,可惜途中被外星怪人襲擊,阿妹惟有用僅有嘅能量變身應戰,但係班怪人衰到冇人有,專打佢心口嘅能量儲存裝置,搞到佢冇晒Power,繼而乘虛而入嚟個野外激戰,結果未帆唔單止守護唔到地球,仲連貞操都失守。

專家評語 

代號:神仙乙 

年資:26年 

活躍地點:先達中心

簡評:日本AV界嘅題材層出不窮,當中有唔少大玩外星人元素,仲拍到好似特攝片咁,好似今日為大家介紹嘅作品就係呢類型喇。喺3部作品中,本仙最鍾意嘅係由花宮麗主演嘅《超級警備隊安娜 外星人大凌辱》,因為阿妹演得相當投入,大顯靈活身手同奸角對撼,而加入外星人假扮人類意圖奪得阿妹嘅貞操情節,帶幾分出人意表,而且緊張又刺激。

撰文:賢