家陣關於性知識嘅書藉，都要改個特別嘅書名至吸睛，既然係咁，點解仲要推介呢本由性健康諮詢師張飛所著嘅《性不再迷誤：性學理論與實務》，單睇書名好似好悶嘅性書呢？原來作者眼見亞洲人嘅性科學知識缺乏，性認知亦有偏差，加上性教育唔普及，於是收集適合學習嘅文獻同時事趣聞，經過多年嘅研讀、整合同編寫，整理出以學術同理論性為基礎，配合有趣同經常被人曲解嘅性問題，而著成呢本作品，內容包括規律性嘅自娛對身心有冇害？年邁老人唔應該有性行為？性健康教育會唔會令青少年提早出現性行為？應該係先性後愛定係先愛後性？性教育唔可以談及性反應等。因此大家唔好畀書名呃咗，其實當中嘅內容真係幾有趣！