其實「被禁」都係一種曲線宣傳，否則真人VR色情遊戲《Xtra Sexy Reality》呢期都唔會咁多人講啦，連AVN成人新聞網都有報道。話說佢早前被全球最大遊戲平台Steam下架，原因係涉及真人演出。負責人喺受訪時表示非常遺憾，慨嘆容得下射擊及暴力遊戲，但VR色情遊戲卻被認為不適合成年人玩，結果新聞一出，呢個遊戲立即成為熱搜，咁你話被人禁一禁，仲好過畀錢賣廣告啦！依家仲有官方網站提供收費下載，之不過細佬非常懷疑究竟有幾多人會「課金」玩，事關睇過所有預告及介紹遊戲玩法嘅短片，嗰兩位遊戲女主角嘅外表非常趕客，高瘦平都算，仲要連妝都未識化，雖然玩法有綑綁又有愉虐揀，但收費要成280港元，情願睇多個月VR四仔實際啲囉！