異世界加後宮絕對係現今十八禁遊戲嘅王道主題，而當中就有由LiLiM製作嘅遊戲《風雷戰姬 神夢》。之但係佢憑乜嘢可以喺芸芸同類作品中突圍而出呢？答案就係鹽花畫面！單係睇遊戲嘅封面女郎，佢露肉度相當高嘅造型，就知道遊戲嘅鹽花場面一定夠鹹。
故事講述男主角杜松透琉本嚟係個弓箭運動員，點知有日返屋企途中被從天而降嘅妖魔襲擊。瀕死之際，有位自稱「風祀神夢」嘅美少女救咗佢，事後神夢話畀松透琉聽，嚟自異世界嘅妖魔正打算入侵呢個世界，因此佢所屬嘅世界將會有其他女戰士嚟到幫忙。不過佢又稱，佢哋每次出招都要消耗大量魔力，而補充方法就係啪啪啪。就咁樣，雖然戰力唔錯嘅松琉透，最有效救地球嘅方法，就係以旺盛精力幫一眾異世界女戰士補充能量，否則女戰士會被妖魔嘅觸手凌辱，因此玩家要有效分配對唔同女戰士嘅精力呀！