以前睇AV，大前提係搵一處不被打擾、同時又有影音器材的空間。但最近日本開售，號稱AV業界首個專用VR眼罩，就為AV迷提供一個既方便、又高質的睇AV方式。想知呢個眼罩究竟有幾厲害？咁就要睇吓佢嘅介紹喇！
日本AV片廠未來嘅發展方向有兩個，分別係超高清畫質AV同VR（虛擬實境）AV。不過想睇VR嘅AV，器材絕對唔少得，因此VR器材生產商Outvision最近就推出日本AV業界首個，專門用嚟睇AV嘅VR眼罩「Outvision VR Scope」（アウトビジョンVRスコープ）。呢個VR眼罩除咗有3.5mm耳機插孔等基本配備外，最重要就係佢可以外置一個「Interface」嘅SD卡插座，專供為「Outvision VR Scope」專屬AV SD卡插入，並播放1080×1920（FHD）畫質嘅全高清AV，而呢個解像度更超過一般VR眼罩添。由於要用SD卡播放關係，故此AV片廠亦要製作專為佢而設嘅AV SD卡，獲得S1、MUTEKI、Ideapocket等多個大型片廠支持之餘，售價亦同一般DVD差唔多。現已有售嘅眼罩每個為29,800日圓，喺AV片廠積極支持下，相信專屬片源會愈嚟愈多。
自從喺上世紀電視機普及後，當時已經有唔少人預言收音機不但將會消失，仲宣稱人類已進入視覺年代。不過美國有成人產業發展報告指，「Aural Sex」（聽覺性愛）嘅熱潮已經回歸。其實所謂「Aural Sex」即係語音成人作品，而佢包含嘅範圍亦相當大，從成人廣播劇，簡單嚟講即係「聽鹹古」，到成人電話都屬呢個範疇之內。報告指喺2019年中，湧現咗唔少人氣語音成人作品，當中嘅人氣廣播劇就有《My Dad Wrote a Porno》、《Girls On Porn》等。專家稱語音成人作品回歸，除咗因為流動網絡普及同ASMR興起外，更同四仔發展出現瓶頸有關。部分四仔迷覺得現今嘅四仔都係千篇一律，而「聽鹹古」反而可激發想像空間，於是令今年嘅「Aural Sex」作品不斷湧現，甚至有專門製作「Aural Sex」類鹹古嘅網站出現。
日本AV女優桃乃木香奈除一對31F巨乳夠正同個樣萌爆外，仲有一個廣為人知嘅特長，就係相當大食！唔係性愛飢渴嗰種大食，而係大胃王嗰種大食。曾經試過一小時內食咗一百隻餃子嘅佢，最近更創下一個紀錄，就係喺一年內食勻晒拉麵連鎖店「拉麵二郎」（ラーメン二郎）日本所有分店。其實桃乃木香奈一直以嚟都係「拉麵二郎」嘅鐵粉，更曾喺八王子野猿街道分店搞過簽名會。上年12月17日佢喺Twitter發表全日本「拉麵二郎」稱霸宣言，表示要喺2019年內食勻對方所有麵店。宣言公布後，佢自今年1月20日開始計劃，最終喺12月17日食埋最後位於札幌嘅分店。喺完成呢個創舉後，桃乃木香奈固然相當自豪，最重要係佢更獲大量粉絲嘅祝賀。不過同時亦係芭菲愛好者嘅佢，唔知會唔會嘗試喺2020年嚟個芭菲稱霸呢？
撰文：魂