有人話會煮飯嘅男人好吸引，亦有人話既會煮飯又願意煮飯嘅男人仲正，之但係如果有個男人，每次入廚房都唔係煮飯，而係「搞搞震」嘅話咁又點算呢？呢位女網友就話：「自從我同老公買咗樓之後，每次我入廚房煮飯，佢都好鍾意走入嚟搞搞震，唔係趁我洗緊菜時從後偷襲，就係趁我煮緊餸時掀起我件衫，不過我其實唔介意，仲覺得幾刺激。可能係因為我哋結婚初期同老爺奶奶一齊住，所以極少有咁刺激嘅行為，家陣就可以完全解放。不過有時我真係急住煮飯，因為實在太肚餓，而老公又唔生性喺度搞搞震，結果我有次發嬲鬧咗佢一餐，唔知姊妹們嘅老公或男友係咪都鍾意喺廚房搞嘢呢？」