AV女優引退唔等於冇福利派，因此Follow開佢哋嘅社交網可以繼續跟，未跟嘅就拿拿臨，好似湊莉久咁，上年2月宣布引退，之但係要完成手頭上工作足足搞咗一年，喺今年初仲搞咗個寫真展，反應非常熱烈，阿妹話考慮嚟多鑊巡迴日本展添！咁即是話佢食住女優剩餘價值都大把嘢玩，因此以為佢冇嘢值得睇，只係你蝕底！
再者湊莉久只係26歲出頭，依家先係真正人生嘅開始，先幾年搏殺咗一輪，依家想享受一下人生，唔使落床砌之後，佢就重拾最愛嘅麻雀，睇佢嘅社交網近半年出嘅Po都係同麻雀有關，更抵死係阿妹自製咗個獨一無二嘅「湊」字麻雀掛飾，就知佢手癮幾大啦！更估佢唔到嘅係，原來阿妹鍾意重金屬搖滾音樂，早前美國Kiss樂隊去日本開Show，佢拉大隊去捧場。湊莉久乜都啱、乜都鍾意，人際關係又好，睇嚟食四方飯啱晒佢噃！
網址：https://twitter.com/riku_minato