喺普天同慶嘅日子，小心變咗好（㷫）呀！點解？多得「熟女之霸」Tanya Tate囉！或者係阿姐佢出糖膠Figure出到傻咗，又或者佢自戀到癲咗，乜理由都好，佢推出咗一個掛喺聖誕樹嘅心形飾物，上面除咗有「Happy Holiday」字句，更彩色印咗佢着住聖誕裝嘅大頭相！Tanya姐仲話係限量發售，每個售價16.99美元，約133港元。本來百幾銀買個心心掛飾都算，之但係有冇諗過乜嘢人會買呢？若然有家室嘅買個掛喺屋企，咁即係搵交嗌；如果係毒男，買同唔買又有咩分別？講真做咗咁多年人嘅Tanya Tate又點會唔知銷情如何呢？難怪只係推出一款兼玩限定，而佢亦非常清楚，掛飾純粹係Gimmick嘢，搶吓Fo、見吓報，製造話題咁啫！