做人唔一定要偉大，但係睇女一定要胸前夠偉大。咪話膚淺，事關巨乳索女有邊個男士唔起痰？講起偉大（Great），喺情色字典中又係咪一定同對車頭燈有關呢？
乳溝又稱做「事業線」，但其實喺英文情色俚語中嘅「Great Divide」，中文譯做大鴻溝嘅佢，係同事業線嘅意思有別。因為佢係指女性兩盞車頭燈之間嘅空間，若然車頭燈愈巨，當中嘅空間亦愈大，反之亦然。既然係咁，「事業線」嘅英文又應該點講呢？其中一個啱使嘅英文就係「Hot Cleavage」嘞。話說回來，「Great Divide」除咗暗指車頭燈間嘅空間外，仲可暗指女性嘅私處。
點樣先至算係偉大嘅情人？經常炮製浪漫驚喜，定係銀彈攻勢浪接浪？喺英文情色俚語中嘅「Great Lover」就有三個定義。第一個係指有成就嘅性伴侶，而當中嘅成就好簡單，一係有權有勢，一係勁有米；第二個係指擁有強大性能力嘅男人，做足半個鐘都仲有氣有力；第三係超識得誘惑女性，之但係點為之誘惑，咁就冇一個客觀嘅標準喇。
美國四仔界有唔少巨乳，甚至係豪乳級嘅脫星，但睇波梗係睇真波，因此美國四仔片廠New Sensations喺2007年4月便推出四仔作品《Great Big Boobies》，以每位脫星都係天然真波為賣點。由四仔名導Denys Defrancesco執導，搵嚟Jessica Moore、Alexis May、Kate Jones、Kristi Love等脫星演出，雖然係零劇情，但勝在一班脫星都以真材實料上陣，玩齊各種床技再嚟個激情啪啪啪，睇到美國嘅四仔迷勁興奮。
除咗女主角Jessica Moore人氣勁外，Kate Jones更憑此片令佢嘅人氣攀上高峰。1976年11月25日於捷克出生嘅佢，最初從事成人模特兒及脫衣舞女郎工作，2006年投身四仔界，憑住34D真波而備受注目，及後主打演出後花園激戰作品，曾經同佢交過手嘅男優表示，佢嘅架生絕對係極品級數。
提到Great呢個英文，相信AV迷會即刻諗起，日本AV片廠S1喺2016年推出嘅作品《S1 GIRLS GREAT BODY COLLECTION壓倒男人至高無上的肉體66名》，因為可以一次過睇晒66名S1嘅女優演出外，最重要係喺479分鐘嘅片長中，精選咗包括啱啱改名做「安齋拉拉」嘅RION、明日花綺羅、椎名理紗、佳山三花、初音實、藤浦惠、沖田杏梨、吉澤明步、由愛可奈等眾多女優嘅精選演出，單睇呢個名單稱得上係粒粒皆星，真係一次過晒你冷！
撰文：魂