喺今年下半年有好多經典AV女優再次同大家見面，好似初音實、惠理咁，令AV迷既驚且喜。不過亦有女優話復出，但係就聞聲不見影，佢就係SOD王牌專屬人妻女優白石茉莉奈喇！
茉莉奈已經成年冇新作推出，據聞係因為原本身材已經肉感十足嘅佢再肥咗，故被SOD認為暫時不適宜繼續拍AV，需要停工進行減肥。10月時茉莉奈喺社交網表示重新投入AV拍攝工作，大家可以好快感受到佢對G奶嘅威力以及人妻韻味。然而，等咗兩個月都仲未見到有新作推出，呢個時候茉莉奈就Po咗一段影片，當中佢發表令人驚訝嘅消息，就係已經從效力6年嘅東家SOD畢業喇！有消息指，茉莉奈其實喺10月時已經轉投到其他AV廠，至於點解到家陣先宣布唔再係SOD專屬女優呢？原因應該係呢段時間茉莉奈仲有好多公開活動係以SOD專屬女優之名進行，家陣手頭上相關活動完成晒，所以就正式同大家宣布呢個消息。不過，暫時茉莉奈仲未透露新作係同邊間AV廠合作及幾時推出，希望可以快啲睇到佢嘅新作啦！