唔知大家仲記唔記得第一次同老婆或女友溫馨嘅情景係點嘅呢？當中嘅回憶可能係緊張，亦可能係充滿尷尬，之但係點樣都好，若然老婆或女友問你嗰時，千祈唔好話唔記得呀！呢位女網友就為呢件事而嬲到勁數老公，佢話：「我哋以前係同事，嗰陣大家都好年輕，收入又少，瞞住屋企人拍拖。有晚我哋因為打風返唔到屋企，結果喺酒店住一晚，兼發生第一次，雖然過程中有唔少蝦碌，但呢段回憶至今我仲記得好清楚。點知嗰晚問個衰佬，仲記唔記得呢件事時，佢竟然諗咗好耐都諗唔到，仲亂咁噏咗度蜜月嗰晚嘅事，最嬲係佢知我唔高興，仲話都唔知點解我咁介懷呢啲小事，話我斤斤計較！豈有此理，呢啲絕對唔係小事呀！大家話我係咪計較嘞？」