提到陽光與海灘，好多人都會諗起泰國或者係馬爾代夫，其實馬來西亞一樣有好多優美嘅海灘，最近日本知名模特兒Niki就選擇去到馬拉拍攝寫真集喇！
今年23歲嘅Niki青春嬌美，帶點高雅脫俗嘅氣質，連續兩年入圍「世界100張最美麗面孔」選舉，其IG更加有逾77萬人追蹤，可以話係新一代IG女神。上年Niki因為被人發現同知名男星山下智久去到夏威夷甜蜜旅行，知名度火速提升，幸好呢件事對佢嘅演藝事業冇負面影響，雙方一樣咁具人氣。
最近Niki就推出第二本寫真集《ニキには?》，當中佢去到馬來西亞大騷性感，更穿上性感內衣Look登場，展露誘人雙峰，仲真空上陣挑戰個人性感極限，外面只披住單薄衣服或雙手輕輕遮住兩點，火辣身段盡情露出！