女人年紀大咗，加上更年期，係咪會失去性趣呢？想知道答案嘅話，推介你睇呢本書《Does Sex Have an Expiration Date?》，由臨床性學博士Susana Mayer著作，封面註明目標讀者係針對35歲至105歲，邊個話人瑞唔可以有性慾（口架）？Susana早喺2008年已開始收集坊間女性性疑難，直至今年推出第一本性書，透過「個人享樂之路」輕鬆分享個人性生活，以全新視角檢視個人性態度問題。長年累月嘅壞習慣，三言兩語當然總結唔到，但Susana醒你兩個字「外向」，性格要外向，床上都要注重外向，即係非進入式性行為，因為外面先最敏感、最易撻着慾火，有高潮做人先有意思，如果認同嘅話，咁仲唔快啲買本書睇！