有謂「酒後吐真言」，女士們覺得男人飲醉後所講嘅愛的宣言，認為係最真誠坦白，但實情又係咪咁呢？呢位女網民就分享咗一個故事，佢話：「當時對一位男性朋友有好感，亦覺得佢對我有意思，有晚我收到佢嘅電話，佢飲醉咗，話好掛住我，於是我出去見佢，跟住我哋就去咗酒店爆房，第二朝我哋仲一齊食早餐，然後各自返屋企。自此之後，我哋每兩個禮拜就相約食飯睇戲。有晚佢又飲大咗打電話嚟話掛住我，跟住我哋又去爆房，呢個情況維持咗半年。點知有晚我喺街度見到佢攬住第二個女仔行街，我冇即時踢爆佢，亦冇同佢提起呢件事。過咗兩日，佢又飲大咗打電話畀我，呢刻我明白我哋只係炮友。自此之後我深信，酒後未必係真言，亦唔代表係真愛。」