火辣比堅尼公主

角色扮演遊戲《光明之響》一直深受歡迎，尤其係一眾女角色更係令人愛不釋手，既然係咁，相關女角色嘅模型又點少得呢！最新登場嘅就有「阿斯托利亞王國」嘅公主兼遊戲女主角桑妮雅‧布朗謝，喺遊戲中以盔甲造型示人嘅佢，今次脫下盔甲換上性感比堅尼上陣，外面披一條透視圍巾，令火辣身材若隱若現，增添一份誘人美感。若然唔鍾意條圍巾阻住晒嘅話，玩家可以親手除佢落嚟，慢慢細心欣賞桑妮雅前凸後趷嘅身材。