投票呀！對於AV迷嚟講，呢一票大家真係唔可以唔投呀！因為你嘅選票足以喺來年一個AV界盛事當中，造就AV天后誕生！呢個盛事就係人人都可以參加嘅AV界奧斯卡「Sky PerfecTV成人放送大賞2020」喇！呢個頒獎禮己連續第16年舉辦，將於明年3月17日舉行。
早前大會搵來上年榮獲「女優獎」嘅戶田真琴、「新人獎」嘅唯井真尋以及「熟女獎」嘅加藤綾乃進行網上直播，為大家講解投票方式，每位網友每一日都可以投票一次，而購買指定AV作品嘅網民則可以額外投票10次。此外，佢哋會一如過去幾屆嘅得獎女優咁，去到各大傳媒做宣傳工作。大會將會喺12月4日公開各個重要獎項嘅入圍女優名單，翌日大家就可以進行投票，記住！每人每日都可以投一票o架！