社交舞當佢一種藝術又得，當係運動亦得，只係點解呢位男網民會咁苦惱呢？佢話：「是咁的，有個識咗5年嘅好兄弟突然話想學社交舞，於是就嗌我一齊去學，話我可以做佢個舞伴喎。冇錯，我呢個好兄弟係女仔嚟嘅。咁佢要求到，梗係冇問題啦！嗰晚約咗喺教室附近等，識咗佢10年，第一次見佢化妝同着裙，嗰刻我發現佢原來身材唔錯，令我一直胡思亂想行入教室，跟住佢指住個男導師同我講，佢係為咗對方而上堂，問我覺得佢點，嗰刻我個心好酸，但又懷疑自己只係一時心動，而非真係鍾意咗佢。點知嗰晚我就夢到佢，如果我同佢表白，唔知後果係點呢？有冇人曾有過呢種經歷，可以同我分享吓？」