動物界當中有一猛獸叫做狼獾，雖然佢嘅體形只有一隻中型犬咁大，但係就勇猛異常，為咗覓食居然夠膽在體形比佢大嘅狼，甚至係熊嘅口中搶嘢食！你都咪話唔勁！喺日本寫真界亦有一位體形小巧，卻又異常「胸」猛嘅女優，佢就係寺本莉緒喇！
提到日本寫真界嘅童顏巨乳妹，好多人都會諗起篠崎愛，又或者近期紅極一時嘅RaMu咁，佢哋兩位嘅共通點就係擁有可愛童顏，以及脹卜卜嘅上圍，但係上圍巨大得嚟體形亦相應地肥胖，不過有一位新紮寫真超新星就將呢種缺點大大修正，呢位出類拔萃嘅寫真新貴就叫做寺本莉緒。
寺本莉緒剛剛滿18歲，散發出令男人精神為之一振嘅青春魅力，雖然樣子就唔算係好標致，但係嫣然一笑卻係綻放出強烈嘅治愈能量，得意又可愛呀！而莉緒身材亦同樣值得留意，正確嚟講身材好可能係大家集中注意之處添！點解？因為身高只有4呎11吋，身材苗條又健美，體態小巧嘅同時，卻擁有一對令人震驚嘅I Cup美巨乳，正宗係廟細燈籠大，難得嘅係呢對I奶飽滿、堅挺且極具彈力，而且仲要係純天然產品呀！
寺本莉緒喺剛剛入讀中學嘅時候就已經好想加入藝能界，一嘗做舞台明星嘅機會，仲覺得自己完全唔會輸畀班青春偶像，後來佢鼓起勇氣參加一個名為「Dream Girl Audition 2015」嘅比賽，最終獲得一份藝能事務所合約而進身演藝園。自此莉緒嘅發展可以話一帆風順，喺2017年就初登舞台，演出舞台劇《Loafers High》，近期演出嘅亦包括《百演》、《明日、吃掉你呀》等，另外亦開始受到各種電視節目爭相邀請做嘉賓。
提到做嘉賓，好多寫真妹去到喺電視節目多數都係做花瓶，又或者係淪為被主持人取笑，甚至係抽水嘅對象，但係莉緒就冇受過如此對待，原因之一當然係莉緒形象健康，二來係阿妹才能出眾，談吐得體而且上到各種電視都有做足功課，例如早前演出一個講欖球嘅節目，阿妹又真係講得幾嘴，咁咪受人尊重唔會畀人玩囉！
簡介：寺本莉緒工作多多，呢頭拍完寫真，嗰頭又去排練舞台劇，想緊貼莉緒嘅工作動態，記住要留意住佢嘅社交網喇。
網址：https://twitter.com/lespros_t_rio
年齡：18歲
身高：4呎11吋
三圍：37I-24-34
撰文：賢