其實呢個年代擺街站仲有冇實際宣傳效用呢？睇完AV女優唯井真尋喺網上拉票嘅方法後，細佬認為主力喺社交平台拉票更加有效！話說「性感AV女優No.1決定戰」由下個月開始舉行網上投票，唯井真尋係其中一個候選女優，當然要全力拉票啦，所以佢每日定時定候都會溫馨提示粉絲記得投佢一票。之但係得把口講係冇用嘅，更要配合佢嘅招牌楚楚可憐嘅眼神，以及不經意露出事業線嘅自拍性感照先至得，由上個月底佢已開始不停發功，最近終於叫做有啲成績，網民唔使阿妹呼籲，已主動Follow佢嘅Twitter，人數已經突破6萬，唔好忘記，唯井真尋只不過係舊年出道嘅新人咋！咁當然虛擬拉票唔夠真實，貴為AV大廠SOD一員，阿妹近期現身街頭落力宣傳及拉票，好似早前佢就去咗秋葉原一間叫Eternal Cafe玩Cosplay任影唔嬲，都啱嘅，人哋撐你，都要回禮有來有往嘛！