所謂創業難，守業更難，呢句說話亦可以套用到日本寫真女郎嘅發展路途之上，因為好多寫真妹初出道時狀態十足，但係名成利就難免會有錢大吃大喝，身材自然走樣，難以繼續保持苗條，正因如此，好似犬童美梨乃咁出道以來一直保持身材纖巧誘人，真係好難得！
犬童美梨乃係小弟最鍾意嘅寫真女郎之一，樣子甜美又充滿親切感，身材亦索到無懈可擊，胴體曲線誘人，一對天然G奶彈力十足。近年佢為咗令身材更養眼更健康，不停鑽研健身之道，早前更參加「Summer Style Award」健美比賽，結果憑住弗爆身材成功奪得兩個獎項，就係咁美梨乃多添咗「寫真界第一美Body」嘅稱號！
美梨乃首次參加健美比賽成功奪獎當然夠晒威水，而喺佢嘅寫真事業亦終於威番次，就係推出首本個人寫真集《One da Full》喇！為拍攝呢本別具意義嘅寫真集，特別去到夏威夷取景，帶大家體驗當地嘅熱帶風情之餘，更加會喺海灘大騷哥利，換上性感比堅尼展露其第一美Body！返到室內，美乃梨表現就更加大膽，只用玉手遮住兩點，大家可以盡情飽覽一對G奶飽滿又鮮嫩嘅質感，當然亦唔可以忽略健美嘅胴體啦！
書名：《One da Full》
售價：約HK$237