雖然話樹大好遮蔭，但係正因為棵樹咁大，你估真係得你一個霸晒咩？情況就如日本AV大廠S1咁廠內猛將如雲，單係一個超人氣的三上悠亞就足以令其他AV廠俯首稱臣，再加上其他實力與名氣俱屬超高的小島南、星宮一花等女優，令S1強極一時。但與此同時，亦令廠內嘅專屬女優未必個個都得到足夠關注，就算係2017年揚威AV OPEN，勇奪「總合部門獎」、「女優部門獎」及「網民投票部門作品獎」嘅新人王吉高寧寧，亦難逃被忽視嘅命運。
曾經做過演員及模特兒嘅寧寧出類拔萃，面孔綺麗又充滿明星光彩，身材婀娜帶健美感，喺床上仲能夠表現出勁度與活力十足，加上演出風格癡女味愈來愈強，實力備受讚許。然而，因為S1有優質新人輩出，令寧寧受到冷落，最近佢就喺社交網發布畢業消息，表示明年1月推出嘅作品將會係效力S1嘅最後之作。雖然畢業嘅原因未有明確透露，但係佢表示自己好高興喺各類型活動當中，遇上好多支持自己嘅粉絲，亦希望可以喺畢業作推出前，再進行一次全國性粉絲見面活動。另外，寧寧亦冇提及自己喺S1畢業後，到底會直接引退定轉投他廠，當然，如果係後者就最好啦！話晒寧寧咁後生，咁快引退認真係AV迷嘅重大損失！