廣告平台咪亂落！細佬講嘅係色情平台呀！綜合英美媒體報道，全球知名國際品牌聯合利華及卡夫亨氏由於喺Pornhub落廣告，結果有多位英國議員表示震驚，更呼籲警方對此事展開調查。據成人新聞網AVN報道，話說今年初聯合利華旗下男士個人護理品牌Dollar Shave Club曾於成人巨擎網Pornhub落廣告，內容為「如果你使用我們的浴室產品，你就不必經常訪問這網站。」另外，卡夫亨氏旗下冷凍食品品牌Devour亦曾於Pornhub落廣告，內容係「熱辣美食誘惑，永遠不要只顧吃，要津津有味地看」。
事後聯合利華發言人表示對於落廣告一事並不知情，同時表示公司絕不支持喺色情網站落廣告行為。至於卡夫亨氏喺Pornhub嘅「食品誘惑」廣告，雖然一樣被外界鬧爆，但網民就覺得製作好有橋，識得揀喺「超級碗」時段出現，兼且廣告片樂而不淫，帶有性暗示，令人會心微笑，可惜發言人拒絕回應事件。講咁耐，其實係想講最後嘅大贏家係Pornhub，名利雙收囉！