女友兵器級利爪

貪靚係人之常情，從頭髮到腳趾甲，想點靚都可以整到有幾靚，之但係如果因為貪靚而搞到男伴受傷，咁就唔係幾好囉！呢位男網民就話佢女友超鍾意美甲，整到又尖又長，結果搞到佢好痛苦，佢話：「唔知點解女友嘅指甲好鬼利，鋒利程度絕對係兵器級！最慘就係佢表現好肉緊，每次玩傳教士式時，我個背脊都會被佢啲指甲抓到花晒，好似同超級英雄片中嘅狼人激鬥咁。最大鑊係我教游水，畀人睇到好肉酸(口架)嘛。唔好以為我冇諗過辦法，例如我會同佢玩推車仔，點知佢話始終冇男上女下咁舒服喎。唔知大家有冇好辦法，等我唔使再畀兵器級利爪抓傷背脊呢？」

網友回應：

古洛：其實你女友係咪獅子王嚟？佢喺你背脊留下標記，等你冇辦法喺外面作惡。你知啦，第二條女見到你背脊上嘅抓痕，都知發生乜嘢事。

道斯：我好肯定你女友係抖S，而你亦有抖M嘅傾向，否則點可能忍得到佢呢種變態嘅行為。或者佢以為自己練緊九陰白骨爪，咁你要小心個頭會唔會留低五個窿喇！

腸仔包：計我話佢肯定有心咁做，所以先至話呢樣唔得嗰樣唔得，試問點可能會整到啲指甲咁尖至得o架，你諗吓有冇得罪過佢，先至搵呢樣嘢嚟報復啦！

妮妮：人哋問有冇辦法幫佢呀，你哋個個喺度食花生。我覺得你試吓(手禁)實佢對手，等佢唔可以抓到你背脊，如果佢係都要抓，即係佢心理有問題，咁你識得點做啦。