成世人流流長，床上床下都只識講「我愛你」三個字，悶唔悶啲呀！想令伴侶刻骨銘心，先要學習「Dirty Talk」技巧。髒話唔一定係粗口，就算真係講粗口，若然令對方冧到痹，甚至有反應，最後咪達到目的一夜纏綿囉！有人話髒話天生就識，但係要講得有技巧，就要跟達人學喇！呢位自稱「調情專家」嘅作者Tamara Edelweiss多年來出版過無數同性愛有關嘅書籍，主打男女間情慾心理，今次呢本《How to Talk Dirty》唔係教大家講淫語，而係着重應該喺乜嘢環境、場合同氣氛下，講乜嘢會達到你所想嘅目的，呢一點即使係情場聖手都未必掌握到，事關講者無心，聽者有意，除時調情失手變性騷擾o架！