嚟到11月，又係AVN鋪天蓋地宣傳明年1月底舉行嘅頒獎禮，不論台前幕後及脫星都非常重視，今年當然亦唔例外啦！話晒AVN Awards從來都係娛樂觀眾，當正嘉年華咁搞，一連多日不同主題嘅派對，由朝High到晚，煞科先嚟頒獎禮，之後仲有After Party，真係爽！至於我哋有得睇冇得飛身入場嘅，咪睇直播囉！
而行紅地氈嗰Part先係最精彩，公眾人物出席場合展現高貴性感經已好難，依家係脫星要暴露得嚟不失霸氣係咪仲難呢？本來唔想着衫嘅脫星，為尊重大會而披件「戰衣」，但「戰衣」既要配合平日個人形象，又要配合大會主題，剪裁要夠破格、服裝要帶出訊息、不低俗，唔同人撞衫，最好仲有眼前一亮嘅感覺，呢啲先係真正考時裝設計師功力呀！咁現實又係點？有高有低，有靚有醜，有騎呢有亮點，乜都有啲咁啦！好廢？喂，從來AVN Awards都係娛樂大家啫，何必咁認真喎！今次頒獎禮大會宣有由經驗老到嘅Nikki Benz搭住新女Emily Bloom做主持，唔通你又會因為呢兩個主持都唔Like而罷睇咩！