大家嘅性愛技巧係點樣學到嘅呢？睇書、睇愛情動作片，定係實戰經驗嘅累積？不論係邊樣，如果男女雙方對學習方法有唔同，原來都會帶嚟矛盾。呢位男網民表示自己係睇片派，而女友則係睇書派，覺得呢啲書先至夠專業，佢話：「我真係唔認同女友嘅諗法，所謂『讀萬卷書不如行萬里路』，梗係睇人哋嘅實戰先至學到嘢啦！女友就話片中嘅演出誇張唔夠真實，而書籍嘅內容先至係正確方法。我話唔係睇四仔脫星嘅演出，而係睇佢哋嘅玩法；女友就話書籍係由性學專家著作，仲可以睇到女性嘅諗法，呢啲先至有參考嘅價值。當然，我都係純粹同佢分享意見，問題係佢強迫我睇佢推介嗰幾本書去做，而小弟卻係睇字就想瞓嘅人，感覺好似以前讀書被迫寫閱讀報告咁痛苦！話時話，係咪大部分嘅男人都係睇片派呢？」