Celine Tran係乜水？咪即係已退下火線嘅法越脫星Katsuni囉！佢早已同退出四仔界，但仍有喺幕前演出，拍過柬埔寨動作片《Jailbreak》，又做過成人節目主持、擔任四仔頒獎禮嘉賓、客串電台開咪，甚至學畫畫，更拍賣為公益，家陣連歌都唱埋，仲用番真名Celine Tran，不過佢喺訪問中強調「我不是歌手」！
係咪以退為進想呃Like？事實並唔係大家咁諗，睇完MV你就會明。今次Celine獲一隊名叫「Electric Pyramid」樂隊嘅邀請擔演歌曲《Paradise》MV女主角，順便客串伴唱 ，成首歌內只係「嗌」咗幾下，正確嚟講根本唔算唱歌，所以Celine冇吹水，反而係夠誠實先真。而傳媒問Celine有冇考慮加入樂壇時，估唔到佢竟然話對唱歌冇興趣，因為佢好享受現狀，未來工作一切隨心咁話！嘩，40歲就可以達到財務自由、生活無憂，返工當係娛樂，真係爽呀！