雖然AV係好睇，但其實寫真亦有佢本身嘅魅力，因此唔少AV女優都會推出寫真集，而美形AV女優星川凜凜花，最近就為出道以來首本寫真集喺網上搞眾籌。唔知一眾AV迷有冇興趣幫吓佢手呢？
唔知大家仲記唔記得喺2016年時，曾捧紅彩美旬果、Aika等人氣AV女優嘅AV事務所MARKS JAPAN，被爆欺騙素人女性簽約及強迫旗下女優演出AV嘅醜聞呢？加上當年日本人權團體Human Rights Now一份研究報告指出，日本AV界存在各種脅迫演出行為，令唔少AV女優大叫被妖魔化。早前AV女優栗林里莉喺網上稱，仲有唔少人以為AV女優一定係有不幸或財政問題先至演出AV，佢卻係自願演出，同時亦感謝有AV演出嘅機會，仲叫人唔好將自己嘅價值觀強加喺佢身上。雖然佢呢番話得到優月心菜、椎名空等AV女優支持，同時亦有網民撐佢唔使覺得煩惱，因為演AV只係一份工作。不過反對者則認為栗林做乜係佢自由，只係支持栗林嘅人要諗吓如果所愛嘅人或家人做AV女或男優，絕大部分都會阻止，所謂支持只係偽善嘅行為。
日文中嘅「美形」，有容貌美麗迷人嘅意思，而環觀日本AV界能夠稱得上美形嘅女優有唔少，最近喺網上搞眾籌，集資推出首本寫真集嘅星川凜凜花就係其中之一。可能大家未必識得呢個名，其實佢早喺2012年8月時，用仁美圓（仁美まどか）呢個藝名，以kawaii專屬女優身份喺AV界出道。1993年2月18日於東京出生嘅佢，俏麗樣貌固然吸引，一對35D美乳更係錦上添花。AV界出道後，佢夥拍同一事務所嘅跡美珠里、戶田真琴、廣瀨海等七名女優組成AV女團「原宿☆Bambina」進軍藝能界，並喺2016年10月推出首張音樂專輯《Fantasmile! / fairyMagic》，及至2017年夏天組合宣告解散。2018年2月佢改用現時藝名後，不但變得更加活躍，人氣仲不斷提升，難怪家陣會集資推出寫真集啦！
呢條貌似雪條嘅嘢係乜嚟呢？原來係專為女士而設嘅產品。對唔少人嚟講，啪啪啪後會唔會去沖涼因人而異，但係私處點都要清潔一下，只係美國加州女企業家Frances Tang苦尋網絡後卻發現，竟然冇產品可以有效為女性蜜洞進行清潔，同時亦發現有唔少女性同佢一樣有需要，於是便利用無菌醫療級聚氨酯（製作人工海綿嘅材料）製成清潔海綿棒，使用時只需喺蜜洞內旋轉一次，就能為蜜洞進行清潔，加上獨立包裝同一次性使用，有助保證衞生，每包十支售價為十美元。不過有醫生卻稱，呢類清潔產品儘管無菌，但未有實質證據有助清潔，因此要跟足產品說明使用。另外，英國國民保健服務則建議，女性啪啪啪後最好即刻小便，可將黏喺尿道口嘅細菌沖走，以減低因性愛而引致尿道炎嘅機會。
撰文：魂