女神之所以被稱之為女神，除咗因為樣靚身材正外，仲要有過人嘅氣質，好似捷克有女郎將自己變成芭比娃娃，究竟有幾多男士鍾意呢？不過講到日本AV女神三上悠亞嘅睡照，巴打必定鍾意兼大讚超萌又可愛。
芭比娃娃正唔正？咁問嘅原因，係因為有位捷克女郎多年嚟進行多次整型手術，令身材變得前凸後趷之餘，個樣仲要勁有娃娃Feel。1999年11月21日於捷克布拉格出生嘅Gabriela Jirackova，細細個就已經好鍾意芭比娃娃，因此多年嚟不但收藏咗超過300款芭比公仔，仲經常Cosplay扮芭比娃娃。
16歲時候，為咗令自己睇起嚟更似芭比娃娃，每個月都會花約1,000英鎊進行整型手術，從最初嘅改變頭髮，繼而填充嘴唇、移除肋骨、隆胸等，而每日都會花超過3小時化妝同裝扮，然後影相並放上網分享 ，更自稱係捷克首位真人芭比娃娃。Gabriela話雖然每日花大量時間化妝嘅生活方式唔易，同埋網上嘅批評令佢有相當大壓力，但佢仍然好享受呢種生活。不過話時話，整得咁勁唔知阿Ken鍾唔鍾意呢？
女神嘅海棠春睡照，對粉絲嚟講有絕對嘅吸引力，難怪被AV迷視為女神嘅三上悠亞，早前流出嘅睡照引嚟網絡極大嘅回響。自上個月中開始，三上悠亞喺Twitter頻頻上傳睡照，當時佢嘅留言只係話因為拍攝工作好攰，或者我唔願意起身之類，不過有粉絲就問係邊個影相呢？原來係悠亞嘅經理人。
雖然唔知呢位經理人係男定女，但已經令人產生相當多幻想，認為經理人係咪想演出《夜這い》系列AV。所謂「夜這い」，其實係其中一個AV題材，講述男優潛入女優睡房，進行不可告人嘅秘密行動。不過實情梗係非大家嘅幻想咁，經理人只係想畀大家睇吓女神工作幾辛苦啫。事實上，唔少網民都話悠亞嘅睡覺樣超可愛，有人就話佢連妝都未落就瞓着，真係超辛苦呀！
如果問男士鍾唔鍾意床上三人行嘅話，相信唔少男士都願意一試，但先決條件係兩女一男而非兩男一女，理由相信唔少男士都明。不過對女士嚟講，又願唔願意玩兩男一女嘅三人行遊戲呢？日本官能小說家大泉里香早前喺網上進行調查，喺163名女受訪者投票下，結果有百分之三十四表示鍾意玩，有百分之二十一願意一試，有百分之十則表示唔鍾意但可以一試吓，有百分之三十五坦言拒絕。
里香指估唔到竟然有過半數女士願意玩，而支持者嘅意見則指，由於舌頭、手同兵器嘅數量多咗一倍，可以同時發生更多性感嘅事，感覺相當過癮，又有受訪女士表示有兩位男士為自己瘋狂好有滿足感。不過反對者則認為兩男同場作戰，佢哋未必可以合作得到，甚至好難挑起情慾，又有女士認為一女同兩男處於一間房內，感覺人生安全會有危險。
撰文：魂