點到你唔服？年過半百依然有樣貌、有身材，仲有四仔拍，兼有過百萬粉絲力撐，難怪下個月踏入50大壽，又稱「知命之年」嘅經典脫星Julia Ann夠膽愈老愈得戚，生日會搞大佢「乳」眾同樂啦！坦白講，到咗呢個年紀仲拍四仔冇幾多個人，即使佢嘅同期好姊妹Lisa Ann已喺2016年退下火線，只係近期技癢出嚟客串兩場。但Julia Ann由1992年，即23歲砌到今日依然係各大片廠重用脫星，呢啲咪有輩分囉！
下個月8號係Ann姐大壽，佢選擇提早喺3號搞個慶祝50歲晚會活動，廣邀業界好友出席，喺當地時間晚上7點舉行，由AVN Media Network負責統籌，撐Ann姐嘅粉絲可以喺網上購票，門票為10美元，而活動所有收益將捐給非牟利組織作慈善用途，去唔到嘅朋友亦唔使愁，事關AVN Stars社交媒體平台會進行直播。