從日本AV有咁多以白領麗人作為題材嘅作品，就知道觀眾對白領妹幾咁情有獨鍾，而喺日本寫真界亦有唔少白領麗人，好似上圍激凸嘅夏來唯，當然唔少得被稱為「平成最後之愛人」嘅和久井雅子喇！
師傅教落，男人要有佬味，女人就要有騷味！咩叫做佬味就由各位男士自己鑽研，至於咩叫做騷味呢？喺日本寫真界中就有好多騷味十足嘅姊系女優，經典例子包括壇蜜、橋本愛實等，至於今日同大家見面嘅和久井雅子就係集騷味與妖艷魅力於一身嘅寫真界新貴。
雖然和久井雅子只係24歲，但係散發出一股輕熟風韻味道，雙眼唔大，卻又眼神深邃，充滿妖媚魅力。不過，小弟覺得雅子成個人都騷到入骨，身材前凸後趷且四肢纖幼，配合千嬌百媚嘅體態，舉手投足之間散發出一種足以令男人投晒降嘅騷味。
雅子喺2017年尾展開模特兒生涯，而當時佢仲係一名白領麗人，後來佢決定放棄OL工作，去到東京正式做寫真女郎，原因係佢一直十分嚮往寫真女郎可以盡情展露美態嘅工作，亦希望可以由寫真妹發展成為知名女藝人。
另外，雅子上京追夢亦因為信心十足，事關佢初初拍寫真嘅時候已備受好評，大讚佢散發嘅妖媚魅力極之迷人，仲封佢為「平成最後之愛人」添！早前日本由年號平成轉為令和，觀眾對佢嘅支持有增冇減，繼續封佢為「令和之愛人」。近期雅子除咗喺寫真界發圍，亦踏足舞台界演出舞台劇，希望阿妹未來可以快啲上埋電視拍日劇啦。
簡介：和久井雅子好鍾意向大家展露誘人身段，大家Click上佢嘅社交網就可以見到大量性感照大飽眼福喇！
網址：https://www.instagram.com/wakui_masako/
年齡：24歲
身高：5呎4吋
三圍：33C-23-34
撰文：賢