美國四仔界近日同大導Axel Braun嚟個「大清算」，傳媒更用「Breaking News」爆炸新聞嚟形容，消息一出令網民熱議，但Axel哥本人似乎零反應，繼續拍四仔，繼續搵脫星試鏡，呢啲咪叫霸氣囉！
報道指Axel Braun過去十年獲獎無數，而經佢欽點嘅脫星星途都猶如坐火箭咁一飛沖天，早前佢更被Urban X封為名人堂成員，可以話威到盡。但問題嚟喇，傳媒翻摷由佢製作嘅四仔作品清單中發現，甚少起用黑人男女演員，咁係咪歧視？又唔好咁快拉到歧視層面先，話晒美國四仔界冇明文規定事必要用黑人演員，掉番轉講，若然Axel Braun全數起用亞裔脫星，又係咪對黑白脫星歧視呢？但值得關注嘅係，Axel Braun曾經有搵過一位黑妹演出，佢就係Ana Foxxx，而黑人男優係Tyler Knight，由於人數及次數實在少得可憐，網民都好奇究竟呢兩位黑人同Axel Braun有乜關係，能夠被佢睇中安排演出，須知道大導每次拍片前，閒閒哋超過210名男女面試o架！