愛係咪可以包容一切？呢位男網民就抱持懷疑態度，佢話：「同女友拍拖半年，兩個月前開始同居，之後我哋先至有親密接觸。坦白講，當初係因為被佢嘅激凸身材吸引，點知早幾日佢同我講曾經做過隆胸手術，我非常愕然，因為從外表真係睇唔出，亦唔會有硬蹦蹦嘅感覺，佢話講出呢個秘密係想對我坦白。其實我唔介意女友做過隆胸手術，只係覺得隆胸嘅目的會唔會係同佢想炫耀身材有關？我真係好煩惱呀，係咪我諗多咗呢？」
網友回應：
Jelly：你一邊話自己唔介意，一邊又懷疑女友嘅品格，其實你當初追佢嘅目的都係唔單純啦！你試吓話畀人知，你追佢嘅原因係因為貪佢好身材，睇吓會唔會畀人話你係賤男！
阿Bill：你不如講白啲，話你女友當初隆胸嘅原因，只係為咗引仔好過啦！從你嘅講法中，就知道你唔信女友嘅為人，仲有乜嘢好講。
Helen：向你坦白，你又懷疑佢嘅人格，唔同你講，又話佢呃你，你係咪賤格吖？
軟體動物：隆胸又點啫？唔係乜嘢大問題，反而覺得你真係諗多咗。其實佢肯向你坦白，呢種性格已經唔錯，你做乜仲要懷疑佢呢？