所謂百年修得同船渡，能夠成為朋友，又或者隊友，可能係因為前世結下嘅緣分。不過，有好多人卻對隊友充滿爭鬥之心，就好似SKE48成員大場美奈咁，因為唔忿氣，實行解放自己嘅E Cup導彈嚟個大轟炸！
日本藝能界大型美少女團體SKE48的確為男士們造福不少，因為團體當中不乏青春貌美少女，更加有成員下海拍AV獻技，為大家帶來刺激又肉緊嘅床上戲，家陣紅遍亞洲嘅三上悠亞正係出身於呢個團體喇！除咗悠亞之外，亦有唔少成員喺寫真界大晒艷光，好似今日同大家見面嘅大場美奈就係其中之一。
今年27歲嘅大場美奈生得一副清麗脫俗嘅正統派美貌，雙眼大而閃亮，深具攝人神魂嘅魅力，仲擁有一副嬌小卻又惹火嘅極品胴體，肌膚鮮嫩，且白裏透紅，最重要係凹凸有致，上圍對純天然E奶飽滿堅挺，夠晒吸睛！
美奈人又靚女，身材又誘人，性格亦值得欣賞，有咩特別呢？就係夠堅強又好勝喇！佢自小就好想做舞台明星，喺2007年亦即係佢15歲嘅時候，參加AKB48研究生選拔活動，第一次唔成功，第二次又失敗，但係佢唔肯認輸，到第三次終於成功脫穎而出。成為AKB48成員之後，佢被安排去兼任姊妹團體SKE48成員，如此安排正係想借美奈嘅人氣帶起SKE48，結果成績亦相當理想。
提到美奈嘅好勝性格，最近又有一個例子，上年佢嘅隊友須田亞香里推出首本寫真集，當中極具性感嘅演出瞬間成為話題，因而令美奈心有不甘，於是拍攝挑戰性感極限嘅寫真集，更首次嚟個赤裸上半身露波邊演出，實行用E Cup導彈轟炸隊友爭番口氣！而寫真集《本當の意味で大人になるということ》推出後，成功登上寫真集銷售榜第二名，睇嚟好快就可以喺銷量上勝過須田亞香里啦！
年齡：27歲
身高：5呎
三圍：34E-23-33
簡介：近期大場美奈都係以SKE48成員身份四圍活動，想知道佢又去到邊度進行訪問同登台，就要留意佢喺社交網上發布嘅消息喇！
網址：https://twitter.com/mina_ovo
撰文：賢