性感誘人嘅索女係男士都鍾意，好似啱啱攞咗獎嘅日本火辣Cosplayer桃色玲空咁，有樣有身材，試問有邊個男士唔鍾意呢？不過凡事總有例外，有位同樣又靚女又有身材嘅寫真女優諗住眾籌出寫真，點知反應麻麻，所以話誘人都未必可吸金嘅！
日本有唔少迷人嘅女Cosplayer，而漫畫周刊《週刊YOUNG JUMP》為咗選出喺日本人心目中最具人氣嘅女Cosplayer，便舉辦咗首屆名為「Cosplay大戰」（コスプレ大戰）嘅活動，等大家可以票選出心目中最具代表性嘅女Cosplayer。自今年2月開始至7月嘅漫長投票期後，早前終於宣布結果，佢就係唔單止個樣夠美艷，身材亦玲瓏浮凸，最重要係以露出度極高而聞名於Cosplay界嘅桃色玲空。
呢位喺東京出生嘅Cosplayer，咪睇佢個樣好似啱啱二十出頭，查實佢已經有超過10年Cosplay經驗，據稱佢年紀已經係三字頭，配合埋激凸嘅上圍，火辣身材加靚樣，名副其實係一位美魔女，難怪佢能夠攞冠軍啦！
雖然有唔少寫真女優都會喺網上搞集資，既可搵人揼本又可以當作宣傳，不過呢個做法並唔係個個都掂。好似喺上年出道，身高156cm，擁有36F-24-35魔鬼級三圍嘅櫻栞咁，先後喺去年9月同12月推出《Sakura Saku》同《BACK TO THE ME》兩本寫真集，早前喺日本眾籌網站「CAMPFIRE」，為計劃喺今年10月推出嘅最新寫真集進行集資，而資金將會應用喺海外拍攝經費同製作費。能夠推出過兩本寫真，足以證明佢有一定嘅號召力，不過睇番佢嘅集資速度，實在係強差人意！就嚟到集資期限前，仍只籌到26,000日圓，距離80萬日圓嘅目標相當遠，睇嚟今次櫻栞有可能眾籌失敗。
乜嘢叫「駅弁」？即係我哋所講嘅性愛體位「龍舟掛鼓」。呢招對男士嚟講可以話係絕技式體位，喺AV就睇得多，但係大家有冇諗過女性又點睇呢？日本官能小說女作家大泉利香最近喺Twitter進行調查，訪問咗320名女性，結果相當出人意表，有百分之十五嘅受訪者表示願意玩「駅弁」；有百分之三十六表示如果對方提議嘅話，會接受呢個挑戰；有百分之二十一認為雖然唔鍾意，但如果對方有要求，亦會喺唔情願情況下接受。雖然有唔少受訪者願意嘗試，但係普遍女士都擔心伴侶條腰未必頂得順，同埋覺得可能會過度關注喺動作上，而忽略咗享受快感。
撰文：魂