日本作為香港人旅遊嘅熱門地點之一，相信好多地方都留低咗唔少香港人嘅腳毛，但係講到當地嘅情侶酒店，唔知又有幾多人去過呢？呢位女網民就話同男友每次去日本都好鍾意試吓情侶酒店，佢話：「喺香港已經常去爆房，既然去到日本梗係要體驗一下當地嘅情侶酒店啦，而每次出發之前男友都會做定功課，睇吓邊間有特色啲，而喺搜集資料嘅過程中，佢唔會同我講間酒店有乜特色，話咁樣會有驚喜。有次佢揀咗間玩SM主題嘅酒店，我一入到去就扮嬲唔玩，等佢氹吓我之後，就同佢講除非佢肯畀我綁喺個X形架上啦！綁完之後，我哋已經笑到標晒眼水，跟住我拎住皮鞭作勢調教佢，佢又做足表情鬼咁配合，房裏面仲有好多道具可以玩，真係好正呀！唔知大家有冇相同體驗可以分享一下呢？」