惡搞大導Axel Braun近期靜咗，唔少四仔迷以為大哥收山唔玩，咪傻啦！惡搞超級英雄片咁好油水，又點可以畀佢停噃！有留意Axel Braun嘅社交網都知，實情係佢手頭上已有幾套惡搞作品做緊後期製作，等真正嗰套電影上畫，就會乘勢出街抽水啦！
而喺呢個惡搞淡季日子，大導都唔放過掠水機會，近日推出最新四仔《Axel Braun's Nylon 3》，未知係咪坊間太多聲音話佢惡搞到走火入魔，經已唔記得色情作品如何色誘四仔迷，因此今次乜都唔搞，純粹以色會友，片長137分鐘，共有5場床戲，每場有超過半打脫星演出，但係獨沽一味玩絲襪，由自摸到埋身肉搏，焦點都放喺絲襪上，係咪好有幻想呢？可惜，當Axel Braun一心以為絲襪喺必殺武器，人人都Like之際，網民又嫌大導冇誠意，呢鋪真係搞又死，唔搞都死喇！