甜美清新車女

日本寫真界同賽車女郎界有千絲萬縷嘅關係，因為有好多寫真女郎係做車女出身，近期亦有好多寫真妹走去做車女。而提到近期喺呢兩個界別都人氣十足，氣勢如虹嘅美人兒，就一定係川村那月喇！

今年26歲嘅川村那月清新可人，可愛感十足，樣子跟童顏巨乳女優篠崎愛有幾分相似，雖然身材冇咁肉感，但係體態婀娜纖巧，上圍對F奶以及修長美腿都吸引非常。那月以車女身份發展得相當順利，喺年初獲日本賽車女郎大獎賽執行委員會頒予特別獎，而阿妹咁索，加入寫真界當然係大受歡迎啦！

《いつかね！》就係那月第二部寫真映像作品，今次佢大賣甜美清新感覺，換上泳衣同陽光玩遊戲兼展露出甜美笑容，令人精神一振，亦會罕有地以內衣Look示人，將私隱一面展露於大家眼前，但係就絕對唔會有淫邪感覺。此外，那月又會穿着低胸婚紗演出，將新婚嘅甜蜜感覺送畀大家，令人甜到入心呀！