正所謂「年齡係女人最大嘅秘密」，相信唔少女士都會認同，而前日本AV女優因為被警方拘捕，而令佢嘅真實年齡曝光，點知卻意外地獲得網民激讚，究竟係點解呢？另外，最近有一款超性感比堅尼推出，引爆男士們嘅邪念！
男士們見到比堅尼巨乳索女時，都會眼甘甘𥄫到實，當然亦只會眼看手勿動，而最近有套超性感嘅比堅尼，就滿足晒男士們嘅幻想喇！呢套名為「Hands Strapless」嘅比堅尼係由巴西一個泳衣品牌推出，呢間公司嘅泳衣設計風格一向走高檔路線，至於呢款比堅尼嘅賣點唔單止係性感，更在於胸前有一對纖纖玉手嘅圖案，啱啱好掩蓋一對雙子峰，令人錯覺有雙手托住咪咪，即時令邪念指數爆升！
有位叫Kelly嘅瑞士網紅着咗呢套比堅尼，更喺網上分享，唔少網民睇完後都大讚超誘人。至於呢套比堅尼售價幾多錢呢？就係盛惠326美元，約2,542港元，不過大家想買都買唔到，因為已經售清啦！
點解有人畀警察拘捕嘅時候，竟然會獲網民稱讚呢？講緊嘅係日本前AV女優朱音唯。於三重縣出生嘅佢，喺2011年9月以Prestige專屬女優身份出道，同月推出處女作《敏感美少女發育中》，憑住一對37G巨乳及甜美靚樣而火速走紅，可惜2012年12月突然宣布引退，令AV迷傷心不已。
喺上個月底日本突然爆出一單新聞，稱有位現年30歲嘅前AV女優涉嫌喺網絡平台「FC2」進行全裸直播而遭警方拘捕。消息一出，即引嚟網民激讚，原因係佢冇虛報年齡，而根據AV片廠嘅慣性做法都會將女優嘅年齡報細數。從新聞中警方嘅資料嚟睇，朱音唯出道時報稱嘅年齡其實同真實年齡只係相差一年，但係日本網民已覺得佢相當誠實，值得一讚。
唔少女性都話年紀大咗就冇性趣，只係現代醫學卻話畀佢哋聽，其實透過醫學方法可以令佢哋重拾性愛樂趣。既然係咁，點解至今仍冇乜年長女性尋求幫助呢？美國北美更年期協會（North American Menopause Society）進行咗一項調查，訪問咗4,500名踏入更年期嘅女性，結果發現當中嘅原因相當複雜。
據協會嘅醫學主任Stephanie Faubion博士指，喺一眾受訪者中僅得百分之三仍積極有性生活。至於冇性趣嘅原因，卻並非好多人單純地以為係性功能下降，而係因為伴侶嘅因素，部分受訪者因伴侶過身後而失去性趣，另外伴侶有性功能障礙，以及健康狀況不佳，亦係影響佢哋性趣嘅重要原因。有專家認為要改善問題，一定要先改變觀念開始，唔好再抱住年輕時嘅習慣先至得。
撰文：魂