師傅教落做人千祈唔好周身刀冇張利，但係有機會的話亦不妨從多方面發展，無謂局限自己喺一個行業當中。日本寫真界美人兒柳優里菜就真係做到多方面發展喇，雖然佢工作多多，但卻未有忘記寫真迷，為大家送上唔少性感寫真。
日本好多寫真妹都以拍寫真為踏腳石，希望成名之後可以拍戲，但係成功嘅卻冇幾多個，好似前SKE48成員佐藤聖羅咁加入寫真界後，獲得演出電影《電鋸少女血肉之華》嘅機會，之不過時也命也，之後人氣好快下滑，結果惟有繼續拍寫真。然而，同人唔同命，柳優里菜相對地發展得順利好多喇！
今年25歲嘅柳優里菜氣質清秀又帶點少女味，散發出一種迷人又攝人嘅強大氣場，絕對係非一般寫真妹所能夠媲美。身材方面一樣出眾，高挑得嚟胴體纖巧，但係上圍卻有34E分量十足，認真係人間極品！
里菜喺19歲時與同為寫真女優嘅家姐柳彩花由家鄉搬到東京屋住，二人過住互勉互勵嘅生活。相對於家姐，里菜成名較早，2014年獲得擔任女主角嘅機會，而呢部電影就係改編自同名漫畫嘅《浮戀》。提到做女主角，里菜又真係生成呢種命，上年又有機會演出電影《純平、考え直せ》，當中佢更為藝術犧牲，首次喺幕前作出全裸露點演出，結果成功令人氣由下沉中復活起來！
近期里菜愈來愈積極作全方位進擊，除咗努力拍水着寫真，仲練得一身好舞功以便喺舞台劇中表演舞藝，另外亦繼續拍戲拍劇，而且仲成功爭取擔任棒球比賽開球禮嘉賓，前途無可限量呀！
簡介：近期柳優里菜人氣再次彈起，大家可以從其社交網了解到佢到底有幾忙，當然亦可以欣賞到阿妹嘅性感水着照。
網址：https://twitter.com/Yngyrn0419/
年齡：25歲
身高：5呎5吋
三圍：34E-24-34
撰文：賢