情侶喺熱戀期，親暱行為令旁人覺得骨痹，其中一種就係「兒化」，唔係講普通話嘅兒化，係講緊行為變成幼兒一樣，不過呢位男網民就唔係咁受落，甚至有啲討厭，佢話：「女友同其他人相處好正常，同我一齊時就變得好細路女，好鍾意用疊字加細路聲講嘢。平日相處我冇問題，但係喺啪啪啪時都係咁，我就真係頂唔順。好似喺前戲時，佢會話：『我要要』或『錫錫嘴嘴』，喺衝刺途中，佢又話：『我夠飽飽了』，大佬呀！咪再扮細路聲講嘢，正常啲得唔得呀！我同佢講，得番嚟係一個反問，就係：『你唔再愛我喇？』點算好呀？」
0219長髮男：嘩，咁你又唔鍾意呀！你試吓遇到我個女友咁吖，佢不知幾咁粗豪，每次啪啪啪佢都會直接講：「今晚我哋搞嘢，好唔好？」做完後就大覺瞓，一啲溫柔都冇！
SusanMilky：女友嘅習慣係男友培養出嚟嘅，如果唔係有你呢種男友，佢又點會變成咁呢？又或者咁講，如果你當初唔係覺得佢呢種行為吸引，你都唔會追佢，係咪？所以你肯定唔愛佢。
問題唔係好多：問題係喺你度喎，拍拖呢家嘢唔係改變佢咁簡單，而係互相配合，睇你咁嘅情況，似係厭惡佢多啲囉。
知易行難過高山：我明你點解咁唔鍾意，咁嘅女仔又真係Over咗，只係你鍾意佢嘅話，惟有睇吓自己點接受佢啦！