有「國民人妻」之稱嘅AV女優西野翔引退，細佬除咗講句：「我真係恭喜你呀！」都冇嘢好講，並非因為阿妹「重生」依依不捨，亦非「葡萄」佢喺其他領域搵到「重心」，係好多粉絲都認為西野翔忘本呀！AV女優本來就係想盡快搵夠錢上岸，邊會同你講飲水思源，但你咪忘記，西野翔嘅官方Twitter之所以儲到17萬「鐵粉」，有冇人可以話我知係點得嚟呢？難度大家真心欣賞西野翔做Coser、做DJ捽碟、聽阿妹唱歌，抑或睇佢打機先？過往嘅飛Bra走奶，近半年已少得可憐，家陣佢經常分享同姊妹去食好東西、睇日劇、買波鞋，完全同AV無關，連丁點鹹味都冇，係咪好火滾先？咁都冇符(口架)，唔鍾意咪唔睇囉！假如決定「取消跟隨」，往後連翔妹幾時出寫真、幾時去秋葉原買玩具、開音樂會，你統統都唔知，邊個蝕底啲呢？