做乜都好，最緊要襟撈，而襟撈第一法則，就係要知進退喇！今日有位四仔男神供各位參考，佢名叫Miles Long，年過半百，人如其名，「那話兒」夠Long，身兼導演及男優，同佢合作過嘅脫星過千。之後佢做埋監製，搵老闆開戲，喺各大頒獎禮攞過唔少獎項，同時收入豬籠入水。嚟緊8月舉行「Urban X Awards」頒獎禮，Long哥又被提名「最佳監製」，攞獎可以話係坐定笠六。雖然呢個頒獎禮根本冇人在意，但Long哥以一張相話畀大家知乜嘢叫做分量，群星拱照，睇得出大會對佢十分尊重，更感受到脫星對Long哥瞓身支持。